მთავარი ახალი ამბები ​საქართველოს კონსულებმა საქართველოს მოქალაქეები მოინახულეს ქ. ბარსელონასა და ქ. ამიენსში, რომელთაც თავშესაფრის...

​საქართველოს კონსულებმა საქართველოს მოქალაქეები მოინახულეს ქ. ბარსელონასა და ქ. ამიენსში, რომელთაც თავშესაფრის უსაფუძვლო მოთხოვნის გამო ქუჩაში ყოფნა უწევთ

92
0

ქ.ბარსელონაში საქართველოს კონსულმა ქეთევან გოგოლაშვილმა ესპანურ მხარესთან ერთობლივი თანამშრმლობით თავშესაფრის მაძიებელი საქართველოს მოქალაქეების ნაწილი მოინახულა, რომლებიც ქ.ბარსელონას გადაუდებელი აუცილებლობის ცენტრის მიმდებარე ტერიტორიაზე უკვე რამდენიმე დღეა იმყოფებიან და ღამეს ოჯახებთან ერთად ქუჩაში ათენებენ. 

საქართველოს კონსულისა და ესპანური მხარის საემიგრაციო სამსახურის მიერ საქართველოს მოქალაქეებს კიდევ ერთხელ განემარტათ, რომ მათი მოთხოვნა თავშესაფარის მიღებაზე მოკლებულია ყოველგვარ ობიექტურ საფუძველს და მიეცათ რჩევა სამშობლოში დაუყონებლივი დაბრუნების შესახებ. 

მათ შორის ესპანურმა მხარემ საქართველოს მოქალაქეებს გააცნო ესპანეთის კანონმდებლობა, რომლის თანახმადაც დაუშვებელია მცირეწლოვანი ბავშვების ქუჩაში ყოფნა, რის გამოც ესპანეთის შესაბამისი სამსახურები იძულებულნი იქნებიან ბავშვები სპეციალურ დაწესებულებაში გადაიყვანონ. 

საქართველოს კონსულმა მოქალაქეებთან შეხვედრის დროს ხაზი გაუსვა თავშესაფრის მაძიებელთა სტატუსის და ზოგადად თავშესაფრის მოთხოვნის წესების ბოროტად სარგებლობის დაუშვებლობას და აღნიშნა, რომ სამწუხაროდ საქართველოს მოქალაქები ხშირად არასათანადო ინფორმირებულობის და,  ასევე, მიზანმიმართული ცრუ ინფორმაციების და დაპირებების შედეგად  ტოვებენ საქართველოს და  ევროკავშირის/შენგენის ზონაში ითხოვენ თავშესაფარს, რაც ევროკავშირის/შენგენის წევრი სახელმწიფოების მხრიდან არ კმაყოფილდება, რადგან საქართველო მიჩნეულია უსფრთხო ქვეყანად, სადაც დაცულია ადამინის ფუნდამენტური უფლებები, არ ხდება მისი პოლიტიკურად თუ სხვა ნიშნით დევნა და შევიწროვება. თავშესაფრის მაძიებელი ადგილზე ჩასული საქართველოს მოქალაქეები კი მძიმე სოციალურ პირობებში ვარდებიან. 

შეხვედრის მონაწილე საქართველოს მოქალაქეების უმეტესობამ აღნიშნა, რომ ესპანეთში გამომგზავრებამდე ისინი დაეყრდნენ სოციალურ ქსელებში გავრცელებულ ინფორმაციებს თავშესაფრის მოთხოვნის შესახებ.

აღსანიშნავია, რომ ანალოგიურ შემთხვევას ადგილი აქვს საფრანგეთსი ქ. ამიენსში, სადაც ქუჩაში,  რკინიგზის სადგურზე ღამეს, ასევე, ათენებს თავშესაფრის მოთხოვნის მიზნით საფრანგეთში ჩასული საქართველოს ათეულობით მოქალაქე მცირეწლოვან ბავშვთან ერთად, რომლის შესახებაც უკვე დაიწერა ფრანგულ პრესაში.  ამ კონკრეტულ შემთხვევაშიც მოქალაქეები მოინახულა საფრანგეთში საქართველოს კონსულმა რ. დიდებულიძემ და კიდევ ერთხელ სთხოვა საქართველოში დაბრუნება. 


საქართველოს საგარეო საქმეთა სამინისტრო კიდევ ერთხელ მოუწოდებს და აფრთხილებს საქართველოს მოქალაქეებს, რომ ევროკავშირის/შენგენის წევრ ქვეყნებში საქართველოდან თავშესაფრის მაძიებლების განაცხადება არ კმაყოფილდება, მათ უარს ეუბნებიან სტატუსის მინიჭებაზე, რადგან საქართველო ევროკავშირის/შენგენის ქვეყნების მხრიდან მიიჩნევა უსაფრთხო ქვეყანად, სადაც დაცულია ადმაინის ფუნდამენტური უფლებები.
თავშესაფრის უსაფუძვლო მოთხოვნით ჩვენი მოქალაქეები საკუთარი და თავიანთი შვილების მომავალს კითხვის ნიშნის ქვეშ აყენებენ. სამწუხაროდ, არის შემთხვევები, როდესაც გარკვეული ჯგუფებს შეცდომაში შეყავთ მოქალაქეები და ევროკავშირის/შენგენის წევრ ქვეყნებში თავშესაფრის მიღების პროცედურების შესახებ, რის გამოც დაზარალდა საქართველოს არაერთი მოქალაქე. ამიტომ მნიშვნელოვანია საქართველოს მოქალაქეებმა მაქსიმალურად გამოიჩინონ სიფრთხილე და დაიცვან უვიზო მიმოსვლის წესები. ინფორმაცია უვიზო მიმოსვლის წესების შესახებ მოქალაქეს შეუძლია მიიღოს საგარეო საქმეთა სამინისტროს ვებ-გვერდის, საკონსულო სამსახურის ცხელი ხაზის, საზღვარგარეთ დიპლომატიური წარმომადგენლობების ცხელი ხაზის მეშვეობით.