მთავარი კატეგორიის გარეშე დაღესტანში VI საუკუნის ქართული სახარება აღმოაჩინეს

დაღესტანში VI საუკუნის ქართული სახარება აღმოაჩინეს

726
0

დაღესტანში, ხელნაწერების გაციფრულების დროს, ისტორიის, არქეოლოგიისა და ეთნოგრაფიის ინსტიტუტის სპეციალისტებმა უძველესი მანუსკრიპტი აღმოაჩინეს. საუბარია სახარებაზე, რომელიც VI საუკუნეში ასომთავრულით არის შესრულებული. ამ აღმოჩენის შესახებ ინფორმაციას ტელეკომპანია „როსსია“ ავრცელებს.

ადგილობრივი სპეციალისტები ამბობენ, რომ იპოვეს პალიმფსესტი – ანუ ეტრატი, რომლის ფურცლები გადარეცხვის შემდეგ ხელახლა არის გამოყენებული საწერ მასალად. ქართული ტექსტი XI საუკუნეში შესრულებული არაბული ხელნაწერის ქვეშ იყო.

დაღესტნის სამეცნიერო ცენტრის წამყვანი სპეციალისტის, შამილ შიხალიევის განცხადებით, ეს უნიკალური შემთხვევაა, რადგან მსგავსი ხელნაწერი აქამდე და

„გვქონდა მტკიცებულებები, რომ დაღესტნისა და ამიერკავკასიის ხალხებს შორის მჭიდრო კონტაქტები არსებობდა, კერძოდ, ამას ადასტურებენ ეთნოგრაფიული ძეგლები და არქეოლოგიური მასალა. ის, რომ აღნიშნული ხელნაწერი ქართულ ენაზეა შესრულებული, კიდევ უფრო ამტკიცებს ჩვენს ვარაუდებს“, – ამბობს შამილ შიხალიევი.

ტელეკომპანია „როსსიას“ ინფორმაციით, 1012 სერიული ნომრის მქონე წიგნი, საბჭოთა წლებში დაღესტნის ლაკსკის რაიონის სოფელ უბრიდან ჩაიტანეს. მისი ნამდვილი ისტორიის დადგენის საქმეში უკვე ჩაერთნენ ქართველი სპეციალიტები, რომლებიც დაღესტანში იმყოფებოდნენ. ხელნაწერი გაციფრულებულია და მომავალში სპეციალურ ინტერნეტ-პორტალზე იქნება ხელმისაწვდომი.