მთავარი ახალი ამბები სალომე ზურაბიშვილი: რუსეთმა ოკუპაცია მოახდინა და ამავდროულად ცდილობს შეგვაშინოს

სალომე ზურაბიშვილი: რუსეთმა ოკუპაცია მოახდინა და ამავდროულად ცდილობს შეგვაშინოს

190
0

საქართველოს პრეზიდენტმა სალომე ზურაბიშვილმა BBC-ის მსოფლიო ახალი ამბების სამსახურის მთავარ საინფორმაციო ანალიტიკურ გადაცემაში Newshour პარლამენტთან განვითარებულ მოვლენებზე ილაპარაკა.

„ეს იყო ქართველი ხალხის პროტესტი რუსეთის ქმედებების გამო. მეზობელი ქვეყნის რომელმაც ოკუპაცია მოახდინა და ამავდროულად ცდილობს შეგვაშინოს. ახლაც პუტინმა ხელი მოაწერა და საქართველოსთან საჰაერო მიმოსვლა დროებით აკრძალა. 

ქართველი ხალხის რეაქცია ბუნებრივი და სპონტანური იყო. პრობლემა ისაა, რომ მცირე ჯგუფი ცდილობს გამოიყენოს ეს პროტესტი თავისი პოლიტიკური მიზნებისთვის. დესტაბილიზაცია მოახდინოს ქვეყანაში. უნდოდათ აეღოთ პარლამენტი, ამას მოჰყვა პოლიციის რეაქცია, რომელიც მშვიდად იყო მთელი საღამო.

რუსეთისთვის საქართველოში სტაბილური სიტუაცია პრობლემაა. ამერიკა ირანის სიტუაცია დაიძაბა. არჩევნებია თურქეთში, საქართველოს კი ევროპულ ქვეყნებთან მჭიდრო კავშირი აქვს. ჩვენ რაღაც საკითხებს გეოპოლიტიკურ ჭრილში უნდა შევხედოთ,”- ამბობს ზურაბიშვილი.

მისივე თქმით, მას მოსკოვში აკრიტიკებენ. კერძოდ, რუსეთის პრემიერმინისტრმა საქართველოს პრეზიდენტის განცხადებას უპასუხა, რომელმაც მოსკოვი ქვეყანაში საპროტესტო აქციების ორგანიზებაში დაადანაშაულა. დიმიტრი მედვედევის თქმით, სალომე ზურაბიშვილის ასეთი განცხადებები არაპროფესიონალურია და ის ან საქმის კურსში არ არის, ან ვითარებას ამახინჯებს.